Wadimalu gundatu le bareini Mañawürihan hamei gafarahaditiñu Ni adamuruti le heluti gürabu Ni hañawüriti lun lasuerun bigibuowagun Haruga me le libinin bumuan Lasiadurei terenchana Hurabei giñe lirufungu bufanidiran Wawarun, wagañeirun odi wouwegun Laguyuha: Hurabei giñe lirufungu bufanidiran Wawarun, wagañeirun odi wouwegun Lun bagaira louba durumandei Himei wouwen luba wadamurun Lidangien binadü güringürin Badügei lau uhabu hereguti Sun awouhani le wabunagubei Tuma efeintei to asefuhaboun Dü hamuti giñe wagübürigu Durungueina lau linsiñe agairaü Abiheina mama lau hitaü Afidirabu luagu lalana insiñeni Laguyuha: Abiheina mama lau hitaü Afidirabu luagu lalana insiñeni Lau agairaü le hürü tumalali Labagarida unguahabuni | Bufanidiran murusun sairi Ladahirei durari liharun Tigirun ti lun le ibidioguabei au Louchun ladaseiruni tewegeirun Tau hanigi birahüñü luma düwürügü Inebela deregüdaguaü haun Manurahantiñu luai lidere würibu Luagu hagaira luma habien Laguyuha: Manurahantiñu luei lidere würibu Luagu hagaira luma habien To hanigi lisaminan hawani Tebudina agairaü hebudina Balañu luagu lidüwürügü Ande Lidangien lamuri bian barana Labugien larüna funati luma golu Barumuga lau lirufungu ketsali Dunuru achiguli to lidanboun bidaünda Ouniri hangitu lau bufulasun Ubugua lun dari me lan lahamachun Iñu lan luei kondoru luma garun Laguyuha: Ubugua lun dari me lan lahamachun Iñu lan luei kondoru luma garun Iñureina dari sairi tidan larüna Wadimalu biri le mouwedibei. |