Ultimate Provider of Authentic Garifuna Information!
  »Garinet   »Shop   »Entertainment   »Communications   »News   »My Garifuna   »Community   »Regional

Gari-Cultural » National Anthem of Honduras In Garifuna
Nov 09, 2003

We are proud to present you with the National Anthem of Honduras In Garifuna which has been translated by the respectable native Garifuna Mr. Ruben Reyes.

Sound Clip (MP3) Download MP3 Player
Download Audio in MP3 (3.99MB) MP3 Player (winamp)
NOTE: if you have any problems listening to the audio file, please let us know by filling up the form located at our Message Center so we can assist you.

LEREMUNA INDURA

Lasügüragüdün: Ruben Reyes

 

Bufanidiran aban aruni huariñuruguna

Dürüwaguali lau arumaü kei diliti

Arihuwatu tidan tanigi

Seingü waruguma dingubeletu

Tidan lidaündana hamuriti barana

Lau luweinamun labounhan latounigira

Lagadaburugugien lerebe wübürugu

Anurein aban waruguma lau igemeri miriti

 

Lau biñü luma bumagadien barumuga

Baranahagien laganbuwa uremu

Dan balañu ban lidan bigolun

Ñei ladeirabu afayahati

Ouweguati dan larihini bubuidun

Siñagua lungua ladüga bumagadien

Lidingugan tun tuwenden banagun

Lau linsiñe lachürün labinirabu

 

Aban ubou le ñei lubei lahücha weyu

Yagüroun luei lidingun Adülandi

Gewenedüladibu wügüri ligia

Aban lafuduragun bübügürü

Lidan biñuruni larufan berebe

Lau memeniha lan buga banigi

Labugien lufubulian huariñu

Fayali aban idedei terenchati

 

Malati lun warou le hinsiñebei bun

Ludin awüribuha tau sun ligañi

Agaweinalei warou lita

Lidan lilulin ariabu labulucha

Tidangien sun to asügürüboun lun

Murusunrügali uraga areiduwa

Aban umuahaü ibidiewati

Luma lamana lerebe wübü

Leremuna indura

Ürüwañei sigulu haganbuni birahüñü

Lagumadihan gabafuti aburemei

Ürüwañei sigulu maganbun lan bumalali

Lidoun lidingun huariñu leferidira

Aban weyu buiti lidoun barigei

Laganbuwa hamuri haliagien

Yetegien dise lueigien Adülandi

Afaguali ladürühan liun

Faransu buga to tunguaboun tau tanigi

Sigulu buri lau tuwenedü tarumuguña

Tagagudun duarina abagarida

Lau liderebugu lalugun Danton

Faransu ounahouboun lidoun ouweni

Labulugu uruwei gayarati

Raramati lau pantaü loubawagu

Bungiu irichaü luagu tebudina

 

 

 

Iñuraguatibu giñe aü nageira

Lidangien lilulin buwenedü

Arufudahatibu giñe lun ubou

Dan babouchaguni lagu güringürin

Lidangienti wamuan lagadabun

Lichügüwagugien dabiara lira

Kei aban dunuru würitura

Itara liña houdin terenchana

 

Lun wareiduni idaündani lira

Wouweguba luagu wagaira

Larandaruba giñe wabunurun

Anhawa ouwegua luagu binsiñe

Hangina me lau lineben bufanidiran

Ouburahouweina lidan tubana

Gibebaña ouwegutiña Indura

Lauba pantaü heiguada sungubei


National Anthem of Guatemala In Garifuna

DON JUSTO'S Garifuna PRODUCTS

Garifuna Holiday

205 YEARS AGO TODAY





 

Garifuna Network - Ultimate Provider of Authentic Garifuna Information! GarifunaCommunity.com - Find out where the Garifuna people are getting together on the internet PuntaMusic.com - Bringing the drums closer to your ears  with authentic Garifuna music! GariChat.com - Chat Live Today GariTV.com - Online Garifuna Television GariStore.com - Garifuna Super Store. Great Products, Fast Delivery Garifuna Network - Ultimate Provider of Authentic Garifuna Information!